Жителите во Општина Илинден за прв пат ќе добијат спортска теретана на отворено. Локацијата на оваа теретана е кај пешачко – велосипедската патека во Марино, а во тек е поставување на фитнес справите за вежбање.
Општина Илинден почна со изградба на ново детско игралиште во населено место Ајватовци. Во рамки на игралиштето ќе бидат поставени детски реквизити, лулашка, лизгалка, клацкалка, клупи, канти за отпадоци за почиста и поубава средина, партерно уреден простор со павер елементи и панелна ограда.
Општина Илинден го пушти во употреба новото детско катче во населеното место Мршевци. Станува збор за детско игралиште на кое се поставени нови детски реквизити, нишалки, лизгалки, клупи, канти за отпадоци за почиста и поубава средина, нова заштитна ограда, како и терен за баскет кој е во финална фаза.
Општина Илинден започна со изградба на мултифункционално игралиште во делот кај спортската сала „Гоце Делчев“ во населба Илинден.
Најмладите од Јака, Општина Илинден од денес ќе можат да се забавуваат во нов детски парк чиешто хортикултурно уредување е донација од „Макпетрол“, а се реализира во рамки на проектот „Зелена Општина Илинден“.
Денеска во присуство на голем број верници беше осветен новоизградениот црковен храм Св. Константин и Елена во Општина Илинден. По тој повод се одржа заедничка Архиерејска литургија на која чиноначалствуваа Архиепископот Охридски и Македонски г.г. Стефан и преосветениот Епископ Дељадровско-Илинденски г. Јоаким со повеќе свештенослужители.